哥哥

從小都覺得做大哥或者家姐都是特別的生性和文靜（因為我是大家姐，自我感覺良好中=0=），所以也覺得Kiloo 哥哥特別乖巧和文靜，沒弟弟Unoo 的頑皮和搗蛋，昨天Kiloo 就在廳中陪我幫弟弟整電腦。

哥哥由細到大腸胃都唔好，久不久要吃醫生開的益生菌，便便才會結實一點，所以Kiloo身型都很瘦小，比起Unoo小型很多，問過醫生，醫生說Kiloo 不算瘦，但我總希望哥哥可以大隻Ｄ，強壯Ｄ。

Kiloo VS Unoo

之前都提過Jerry  papa想買多隻貓貓陪Kiloo~
於是出了魚街逛逛~
給他看見了一隻一直喜歡的藍貓~
但無奈是男孩~同我預期中要女孩子有出入~
最終還是被Jerry papa雙眼發光的眼神打動了~
於是Unoo就成為我家的一份子~

開頭真係好驚Kiloo會唔開心~
又驚兩個男仔相處不來~會打架~
好彩最終兩個都好好脾氣~
兩兄弟你追我我追你~

當獅子遇上豹Take one之星你兩巴 

當Kiloo遇上Unoo take two 之踢出擂台

不過好容易見到兩隻貓性格好大分別~
Kiloo唔鍾意痴人~要私人空間~文靜~好有性格~慢條斯理~
但Unoo好鍾意痴人~好嗲~鍾意坐係你隻腳上面要你摸~好動~運動神經超好~跑得快跳得高~

好了~我家已經有了兩個寶貝~
我最愛他們了~
希望兩個都健健康康~開開心心~

我們的相遇 - Unoo

一直很想幫Kiloo找個伴~
等佢一支公係屋企唔會咁悶~
上兩星期終於出寵物店看看~
其實本意是想找個女伴~
但沒有一隻合眼緣~
反而Jerry pa pa在紅蘿蔔看見一隻男仔頗喜歡~
開初我不太想再買男仔~因聽說貓仔跟貓女會容易夾一點~
我很怕兩個男仔容易打交~Kiloo會唔開心~
但Jerry pa pa看似很喜歡~還一而再再而三問我買不買~

一看牠的樣子就知道牠很頑皮...我怕Kiloo反過來比牠蝦...=.=""

於是...

當Kiloo遇上新玩具

Desex後的Kiloo~
一日比一日大隻~
Pet Pet越黎越大...=.=
我就日日都嚴控佢D糧既份量~
Jerry Pa Pa 就成日靜雞雞加糧比佢...唉~

Kiloo 呀~張紙我睇緊ga!!!

Kiloo成日襯我用緊電腦睇緊文件既時候跳上黎騷擾我...
就係咁啦~就係咁啦~
明明我睇緊千色店有咩優惠~佢就跳上黎坐係張紙度 =.=
明明我用緊電腦~佢就跳上黎踩幾腳 =.='''

講開又講~禽日放假諗住食餐好~出旺角街市買海鮮~
點知真係海鮮價~突然貴得離譜~
以後都唔會咁蠢~紅日去買海鮮~
諗住平平地試下第一水大閘蟹~
呢隻45蚊大閘蟹~有牌寫明太湖蟹~
細細隻~有羔~但唔多~又唔夠甘香~
下次試大隻D再報告~

這些日子

自從搬屋後~生活出現得大改變~
公司變動~ 沒有打工了~
結婚了~每天留在家煮飯~
一開始沒方向~呆在家等運到~情緒低落了~
從前partner不斷遊說我做回老本行~但我真的不想再接觸地產這行~太黑暗了...
到落鋪頭幫手睇頭睇尾~再幫公司整網頁~現在幫手開店了~
短時間內太多事情發生了~

這才發現~人們所講的所謂人生目標是多重要~
原來人沒有了目標真的會情緒低落~會自閉~
很幸運地我又過了一關~一生付付碌碌的我又企返起身了~
多謝我身邊的親人幫忙和支持~
 最多謝Jerry一直支持~沒給我一點壓力~
有時只是我想得太多~壓力是自己給自己的...
這次我又學會了放低執著很重要~
雖然這很不容易~但慢慢一點一點提醒讓自己習慣~
這樣就不會苦了自己~

現在我在枱上電腦工作時~Kiloo總喜歡睡在我的書上~
多謝你陪伴我喔~寶貝!!!

Kiloo~訓得斯文D得唔得!?

自從Kiloo回家後~一直是困籠的~
最多是當有人在家時便放養~
有時看著他悶悶困在小小的籠中真是有點心痛~
所以星期六我不用上班就會放他上床跟我睡~

上床睡一睡就這個樣子了!!!
Kiloo:好舒服喔~喵~好舒服喔~
Kiloo~你訓得斯文D得唔得呀!?

終於要變小偉子了

小朋友一歲多了~
提早三星期約定醫生哥哥~
雖然知道只是小手術~
但都會有少少擔心~
因這個醫生哥哥是新轉用的~
幸好網上評語不錯~

事前也有跟Kiloo 講了將要做手術~
讓他有點心理準備~

接回他時看見戴著頭套的他很心痛~
但又不敢抱他怕弄痛傷口~

第一二天戴著頭套周圍撞~
最多的都是訓覺~

好像有心事的背影...好可憐喔(看似=.=)~
怎料到第三天可以除頭套後即刻生猛到周圍跳~

換了這醫生真的很好~
手術由醫生親手做~
做完還給電話我們報告情況~
上次肚疴都在控制時間內醫好了~
今次Desex 前醫生還關心Kiloo 的肚疴情況~
我試過很多診所~不是每個醫生都做到這點~
而且醫生樣子很帥...呵呵~
大家如果未搵到好診所可以試下這醫生喔~

毛國界動物醫院
Dr. Ma
地址: 九龍大角咀鐵樹街1-39號金堂閣地下21號舖
電話: 2142 3399

kiloo之狐狸仔真身大公開

應詢眾要求~
決定公開Kiloo 變身狐狸的全身照~
呵呵...Kiloo你唔好怪我呀~(laughing)

唔知點解~Kiloo成條瘦骨仙一樣~
唔係好鐘意食野~又食得唔多~
諗住買D零食比佢~食完又疴~
點算好呢?

勝利道一間寵物店因業主加租決定結業清貨大減價~
襯機會幫狐狸仔大shoppong一次~

Kiloo之夏天熱辣辣~恤返個髮先!!!

話說天氣太熱~
媽媽迫我去剪頭髮...
熬死辣辣帶我落街~
熱到不嬲cool 爆既我係條街到伸晒脷~
咩面都無晒~啍...
返到屋企仲要比爸爸笑我似一隻狐狸~好嬲呀!!!

之前一晚仲好地地攬住爸爸覺豬~
點知第二日就...meow~無眼睇啦~

Kiloo 之憤怒十個月大

比我發覺Kiloo腳後面打左一舊好大結的毛~
於是爸爸捉了Kiloo 認真大梳毛一次~
一邊梳一邊Kiloo 大聲慘叫~
還一邊咬爸爸一邊出抓~(好嬲喔="=)

梳毛後爸爸當然趙完鬆~
淨低Kiloo一隻大"敏"薑坐係地下~
嘩哈哈~笑死我啦!!!

每朝早K小弟的指定動作

這些日子我沒工作了一段時間~
只有偶然早上煮早餐給偉局長~
又或是睡到自然醒~好幸福喔!!!
但不可懶惰太久~ 過年後再為工作計劃吧~

多了時間在家跟K小弟相處~
日日看著他跳到窗前望街~
跳上床又或是捲在陽光下睡覺~
發現了K小弟喜歡白天睡覺的呢!!!!!

背影....每朝指定地用背脊"得"住我...

其實~我每日都會抱他強吻很多次~
不知道他知不知道我很愛他的呢?!!!

Snapeee 之 Kiloo 九個月大了

發現了這個App 整相幾好玩~
名字叫Snapeee~
幾 Kawaii feel~
我不知道它是新定舊的~
不妨download 來試試~

立即幫Kiloo 整了一張懶豬相~
Kioo 九個月大了~
眨下眼就九個月~
由BB到小朋友~

朋友說他長大了很多~
但我一點也不覺~
是的~在媽媽眼裏你永遠是小朋友...>3<

Kiloo八個月零六日大啦

對住這寶貝~每天也很快樂~
他頑皮~頑皮~頑皮~還是頑皮~
我追著罵~追著噴~不停周屋走~
每次聽到他"喵"一聲~心立即軟了~
Jerry 還說他叫聲特別好聽...真的偏愛偏出面...

小朋友八個月零六日大了~
希望你身體健康~
日日都這麼頑皮~
媽媽不介意的!!!

Kiloo大個仔啦

死啦死啦~ Kiloo大個仔啦~
開始日日天光叫~周圍疴尿~
鍾意成日痴住我~好多野講~又嗲到暈...

事源有日跟同事說起"唉~呢排好唔夠訓呀"
同事問"點解呀?"
我答"Kiloo日日天光都叫~叫到我醒!!!"
同事話"你死啦~ Kiloo 應該係發情期啦, 遲D亂疴尿你就死~"
我"@.@III...唔係呀fa~"

點知當日放工回家放Kiloo 出籠佢就係地下疴尿~
Oh no... 點算呀~我原本想等Kiloo 一歲大生長好才Desex~
 怎料現在7個月大就發情了...
仔呀...你人細鬼大呀...

Kiloo 7個月零一日大

各位姐姐哥哥~
我七個月零一日大啦!!!

睇下我凌厲既眼神...

BB時的 Kiloo

自從Kiloo回家後~日日好食好住~
一日一日長大~看著他漸漸長大~
真是很不捨得~雖然仍然是很頑皮~
但有時我會想讓你頑皮一下~因我知道你頑皮的時間過得很快~
我的小BB身型變大了~樣子成熟了~
很懷念很懷念和Kiloo從前的每一個點滴...

 六個月大的 Kiloo~爸爸一抱就乖到暈(...唔抵得)

五個月大的 Kiloo~不知何解~毛色淺了...

四個月大的 Kiloo~第一沖涼後被嚇親的可憐樣~

三個月大的 Kiloo~剛回家時的緊張樣~

Kiloo  媽媽好愛你~
你要健康快樂喔~
我們會伴你走過你的一生...(有點想哭)

Kiloo成長中

終於等到Kiloo打齊三枝針~
皮膚又好返~可以去沖涼~
點知沖涼返黎嬲左我地~
唔應唔啋又唔比我地摸~
搞到偉局長(Jerry新名)即刻緊張晒~
又攬又鍚又話唔困籠比佢入房訓=0=
我唯有出聲"你冷靜D~今晚比佢入籠好好訓一覺~聽日睇下點先啦"
點知第二朝食早餐時Kiloo即刻喵到暈@.@"""

Kiloo今日四個月零五日大~重4.2磅~好曳好頑皮但好嗲>3<

貓貓玩具之Tunnel

一直很想買個Tunnel給Kiloo~
看見朋友貓貓玩Tunnel玩到發晒顛~
但朋友家裏的Tunnel實在太大了~不適合我~

那天帶Kiloo覆診時順路到Q-Pet補給罐頭和supplement~
由未帶Kiloo回家開始已經常常煩著那裏的Sales哥哥@.@""
因他也養有兩隻貓貓的~Sales哥哥很好人~又解釋又教學~

這天他介紹我們換購了這個細碼Tunnel~
嘩~超正~比朋友那個還好玩~size也適合我呢!!!

這個質地比朋友那個還要好~Kiloo走進去時還會有"Sa Sa"聲~貓貓都很喜歡呢!!!

而且可摺疊收起的~超方便~只要是Q-Pet會員就可以以$88換購了~

My Little Lion King - Kiloo

自從上次的揀貓計劃後都沒有專登再到寵物店看貓~
直到一個星期天和Jerry閒逛時~
Jerry提議帶他去我看寵物的那間寵物店看看~就出事了~

那天回到寵物店原本是想看看我喜歡的那一隻黑白色異國短毛貓~
怎料店主說他得了皮膚病~正收回倉治理~ 好失望喔~
一心喜歡又想介紹給Jerry的沒有了~這算是沒有緣份吧=.=
而店內又沒有其他合眼緣的貓貓~只好離開...

行下行下去到金魚街~行入其中一間鋪~
本來Jerry想看看他夢寐以求的老虎狗~
一路看一路看看見玻璃櫃裏有一堆貓貓~
裏面有兩隻虎蚊貓貓~Jerry一直偏好虎紋的~
再看看玻璃上貼了紙寫著金吉拉(金影)
金吉拉?什麼來的?完全沒有聽過...
問問店員~店員立刻在玻璃櫃裏抱Kiloo的弟弟(海膽)出來~
還要我們先洗手才可抱抱貓貓~

Kiloo弟弟的毛色比Kiloo淺~
Jerry還是喜歡Kiloo多點~
Jerry抱了Kiloo~Kiloo還乖乖的扒在他的手裏...
氹得Jerry心都甜了~店員又不停落咀頭@.@''

這一刻我知道須要冷靜下來~
拉了Jerry走出店舖說要考慮考慮~
我們行完全條街也沒有看見其他合眼緣的~
最後我們回去了~Jerry還是對Kiloo愛不釋手~
就這樣落訂了=.=""

回家後當天晚上我擔心得睡不著~
怕沒有養貓貓的經驗照顧不好Kiloo~
現在接回家~好多了~
接Kiloo回家Kiloo還出了很多糗事...這個太長了~下篇再談~