炒麵

偉局長唔小心扭親隻腳~
唔知點解~通常任何有關病痛都會聯想起要食粥~
所以煲個燒乳豬頭粥比佢食~
又唔知點解~煲粥好似通常都要配下腸粉炒麵~

預備炒麵一個, 芽菜, 韮菜, 火腿~
調味一湯匙生抽一湯匙老抽拌勻~
炒麵先用熱水邊浸邊焗至自己喜愛的生熟程度~
浸熟後麵餅用剪刀略略剪開(這樣可以容易處理之後的步驟)~
用筷子拌鬆麵餅後隔水~
下少少油拌勻(這樣可以減低癲鑊情況) 韮菜切段, 火腿切絲~
先將韮菜和芽菜略炒盛起~ 原鑊放麵餅快手炒散~
放調味快手拌勻麵條~
餘下材料一併放下炒至均勻乾身~ 完成~

我一直都冇用易潔鑊~=.="""
(早知一早用易潔鑊~果時懶勁話易潔鑊對身體唔好~買鬼左個陽極鑊)
所以炒麵好易癲鑊~ 為左避免癲鑊情況~麵餅處理的步驟很重要~